සිරි සිරි නදින් සීතල පිනි වැගිරෙනවා
මල් මී පිරීලා බමරුන් කැඳවනවා
මුදු මඳ පවන් වැද හිරිගඩු නැංවෙනවා
“නුඹ නැති දුකට නෙත කඳුලැලි වැගිරෙනවා”
මීමැසි රංචු ඇයි මල් වෙත ඉගිලෙන්නේ
ගංගා ගලා කිම සමුදුරටම යන්නේ
විහඟුන් මොට ද? රස ගීවැල් මුමුනන්නේ
“මගෙ සිත කුමට නුඹ සොයමින් ළතවන්නේ”
හතිලන සිතට ඉකිලන සුසුමක් ඇතිව
දසඅත ඉගිල්ලෙන සිතුවිල්ලට නතුව
“කොඳුරන අතීතය සිහිකර රස මුසුව
වැලපෙමි කඳුළු නොහෙලා මා අන් සතුව
