එකම හිත මම හොයන
නිල් අහසෙ තතු කියන
උගුල්ලා නෙතු සඟල
පුන් සඳේ රුව ගයන
බැඳ දමා තොල් යුගල
ගයන්නට තනු වයන
නුඹ තමා,අරුමයකි
එකම හිත මම හොයන,,,
අඩන්නට කඳුළු දී
සිනාසෙන්නට කියන
තැවෙන්නට හේතු දී
සැනසෙන්න මග කියන
දැවෙන්නට ඉඩ දිදී
නිවෙන්නට මට කියන
නුඹ තමා,අරුමයකි
එකම හිත මම හොයන,,,
සිතන්නට නොදී මට
සිතෙන්නට ඉඩ හරින
රැදෙන්නට නැතත් මට
මිදෙන්නටවත් නොදෙන
බිඳින්නට බලාගෙන හීන
පැතුමන් ගෙනෙන
නුඹ තමා,අරුමයකි
එකම හිත මම හොයන
,,,,,,,,,
good
ReplyDeleteවසමි ඔය නෙත් යුවළ රුව පෙනෙනු බැරි ලෙසම
ReplyDeleteගසමි ගැට ඔය දෙ අත් දිග හරිනු බැරි ලෙසම
සිතමි කොයි දේ කළත් තරහ වැඩි වෙන තරම
දනිමි නුඹ සොයන ඒ එකම හිත මම බවම.....
අය්යා ගොඩක් කාලෙකට පස්සෙ ලස්සන කවියකුත් අරන් ඇවිත්.
ජයවේවා!!!