Thursday, March 16, 2017

කුළ ගෙට යන නුඹ





නික්ම යන මොහොත
එළඹ ඇති
දියණියේ
ඉතින් කිසිදින
කඳුළක් නොහෙලන්න.
අප තුරුලේ
සැමදා ඔබට
ඉන්නට නොහැකිය
විසල් ලෝකය
නුඹ එනතෙක් බලා සිටී
අප වැනි ම වූ
තවත් මා පිය යුවළක්
නුඹට හිමි වනු ඇත
එහෙත්
අප දෙදෙන මෙන්
ඔවුන් නුඹට
ආදරය නොකරන්නේ යැයි
වේදනා නොනගන්න
නොතැලෙන යකඩය
කිසිදා
මුවහත් ද නොවේ
පුංචි මල් කුමරියේ
මවුපියන් වීම නම්
මෙලොව ඇති 
ලොකු ම අරුමයයි
උතුරා යන සෙනෙහස
නුඹට මිස
අන් කිසිවකුට
ඒ අයුරින් ම
දීමට
නොහැකියි.









3 comments:

  1. අගෙයි අගෙයි.

    ජයවේවා!!!

    ReplyDelete
    Replies
    1. කවියට හැකි පමණින් උපකාර කරන්නෙ දුමී ඔබයි.....

      Delete
  2. ජීවිතයේ දරන්න අපහසුම මොහොතක් මේ !

    ReplyDelete