Sunday, January 3, 2016

███▓නුඹයි මඟ තොටදී හමුවන ███▓▒░



පතුල නැති හීනයක කිමිදෙන
ගැලූ කඳුලින් මාල ගොතමින
සතුට දෝතකට රැගෙන හිනැහෙන
පය පැකිලී විට සෙමෙන් නැගිටින

දිවි පුරා කටු අකුල් සිඹිමින
අහම්බෙන් මල් පොඩිති හමුවෙන
දෑත නොව හදවතම සීරුන
ගැලූ රුහිරෙන් කවිත් පබඳින

හදවතේ ගැඹුරු තැන කළඹන
සෙනෙහසක මිමිණුමට කන්දෙන
දුර තියා සුසුම් හඬ හඳුනන
මම නුඹයි මඟ තොටදී හමුවන


2 comments:

  1. කවිය විතරක් නෙමෙයි රූපයත් සුපිරියි

    ReplyDelete
  2. ස්තුතියි ගොඩාක්ම කුරුටු.....

    ReplyDelete